| 2009年8月8日 幾年冇打過xanga 封哂塵呀個xanga... 不過今日唔打唔得 因為今日真係好有紀念價值^^ 講下朝早先啦 今朝9點去到修頓室內運動場 因為智道攪左個邀請賽 除左其他館之外 仲請左台灣 中國 呢D外隊黎 至於我呢 今日就做打雜 呢頭幫下手搬野 果頭帶下D選手入區 冇野做果陣就睇下比賽 到四點 等埋D中聯辦 乜乜會長 物物太平紳士入場 之後又至詞又盛... 攪完一大輪野 跟住到中國隊表演 果陣先冇甘眼訓 D表演真係拍得住韓國果D 兩個字講哂:精彩!!睇完show之後又繼續比賽 到7點幾都仲未完 我就彩你都有味 走人 事關今日小學同學攪聚會 之前收到call叫我去我都覺得好驚喜 竟然我都有份 因為係呢個聚會入面 係得我一個6D 其他全部都係6B同6c既同學 以我所知完來佢地畢左業之後既每一年都會攪一次聚會 好好感情囉我覺得... 係尖咀攪 我8點去到 一上到去見返D同學 有一種唔知點講既感覺 除左同學之外 仲有兩個老師係到 其中一個林老師係教過我英文 之後每人介紹返自己同埋要拎返一D小學時候既野出黎 不過我冇帶 尋晚都仲記得 今朝就唔記得左 唉...真係衰 有D人帶左D相 有D就帶以前畢業既時候俾人寫果D紀念冊 最爆係有人著校服去 真係好佩服囉 竟然仲岩身 之後食野 我都係食左一碟仔就冇食 掛住傾計 係甘傾 10點半走人 同幾個返大埔唱K 好彩剛好病完先唱到 唱到5點返歸訓教 |
| |
| 俾莉娜,莉娜老公,李詠..等等Tag左(係咪個個都要講埋俾邊個tag左架?)
規則：
當你比人tag左，就要寫一篇note，
內含16項有關你的事情、習慣、喜好、目標，
或任何各不相干但有關你的東西。
最後tag另外16個人。
你必須tag返tag左你的那個人。
如果我tag左你，即係我想認識你更深。 1.)我之前都有玩過類似既野喎 不過冇乜人留意我...哈哈 2.)有關我既野呀?呀...我鐘意踢波 wargame 跆拳 呢D係我平時有玩開既 3.)遊水 踩單車 打羽毛球 打籃球 呢D係我平時冇玩但係我識既 4.)唔鐘意食海鮮 食親必嘔 唔知點解 5.)唔鐘意講野 因為唔識講野 應該表達有問題 6.)唔鐘意笑 因為笑起上黎唔好睇 7.)鐘意聽返D舊歌 同埋色士風之類既純音樂 聽完好舒服架 8.)我想學吹色士風 做kenny基 哈哈 9.)好就得人架我 冇乜所謂既 10.)好忍得火架我 好難激得嬲我 我印象中都好似冇乜發過火... 11.)我最鐘意既動物係貓 咪咪~~ 12.)試過拍拖拍一日就散左 最長既就兩年 13.)最近肥左 好想減肥 14.)好希望可以考到警察或者消防 超鐘意呢兩個職位 15.)覺得自己做過最勇敢既野係中四果陣夠膽參加歌唱比賽 我記得我係唱(無處不在)果陣好鐘意呢首歌呀 每晚唔聽訓唔著 不過果次拎唔到獎 16.)覺得自己最勁既係中二至中五既校運會拎跳高冠軍 |
| |
| 打左漂亮的一仗 全靠支m16 愛爆你  不過....真係好重 美中不足既 係唔見左個彈夾 同埋人地話我打得唔夠狠 |
| |
| 尋日返左跆拳 甘耐冇返 差D連慧遠都唔識去 哈 尋日返去主要唔係練野 係因為報左跆協既教練班 要返去交野俾王德 拖左甘耐 係時候要交喇 唔係又俾miss話 其實 我都唔係甘想上教練班 一來自己冇時間 二來自己D基本野都未做得好 仲點去教人 再者 呢個教練班講明話遲到一分鐘 都唔合格 但係 呢個班逢星期一至三夜晚7點半上堂 我7點半都唔知放工未 點趕得切 即係白白俾$400跆協 唉... 講返尋日 既然返左去就緊係要練啦 唔同左 有兩樣野掉轉左 就係體能同技術 以前技術係好過體能 但係尋日 踢完二百幾腳竟然冇乜感覺 唔覺得攰喎 但技術差左好多 我諗我而家既技術 等同一個綠帶 腳又踢得唔靚 速度又慢... 放左之後家豪車我地過大中食野 去左豆漿大王食 我食左個咖哩雞飯 食完各有各走 呀水出旺角會女友 家豪返歸 我自己就行大中 超級城 買左個袋 買左條鏈 今日返工 鄧紅返左黎 佢就正啦 放左6日假 不過呢幾日我都冇咩野做 放工之後諗住去深水涉買war game野 但最後都冇去 想睇定D先 等星期6先去過 之後返左屋企 |
| |
| 尋晚去左香格里拉飲 唔係有人結婚 係智道第三十六介會長就職典禮 全香港既智道高層都有出席 包括各分區既區長 仲有幾個中聯辦係到 我都有份出席當然好榮幸啦所以尋日放左工之後即刻返屋企搵返套西裝出黎 雖然我肥左小小 但係都依然岩身 著起上黎仲好似比以前有過之而無不及tim 9點半先開席 係仲有些少時間既情況下 我用最快速度跑左過去加連威老道 買左我第一對跆拳鞋 因為冇哂黑白色 所以唯有買另外D色 最後我選擇左金白色 睇起上黎好似靚過黑白色 返到去岩岩好夠鐘開飯 一路食一路播返之前五四青年節我地遊行D片段 我都有上鏡 雖然只得幾秒鐘=.= 飲完紅豆沙之後就分區影相 我先知道完來我係屬於九龍東 尋晚甘急買鞋 唔係要即場著 係因為今日我要做斬手人...智道今日攪左個邀請賽 所有智道既黑帶都要幫手做野 第一次做斬手人 好緊張 雖然觀眾既焦點唔係我 但係兩個選手誰勝誰敗 幾乎決定係我手 所以好大壓力 未做之前真係緊張到震 但做起上來比想像中容易 可能係因為自己人攪 好多野都唔洗做得好足 就算做錯左都唔會有人話 係甘斬 唔經唔覺斬左一日 夜晚成班師兄弟仲有miss一齊食飯 死人水仲帶埋女友黎tim 又唔認 最後咪又係要認 哈 |
| |
